KRITIKAL ang lagay ng isang mister matapos itong saksakin ng asawa ng nakalitan ng kanyang misis Linggo ng umaga sa Brgy. Potrero, Malabon City.
Inoobserbahan sa MCU hospital si Esteban Dela Cruz y Teodoro, 56, may asawa, ng Anonas Roadm Potrero ng lungsod sanhi ng isang malalim n saksak sa kaliwang bahagi ng katawan.
Mabilis namang tumakas ang susepk na nakilalang si Jinki Cerdon, 27, may asaw ng 77 Anonas Road ng nasabing barangay bitbit ang ginamit na patalim.
Ayon sa ulat, dakong alas 7:30 ng umaga ng maganap ang insidente sa kahabaan ng kalye Anonas sa nasabing barangay.
Nabatid nagkaroon ng mainitang pagtatalo ang asawa ng biktima na si Carmelita Dela Cruz at ang asawa ng suspek hanggang sa makarating kalaman kay Cerdon.
Hinanap ng suspek si Carmelita hanggang sa harapin ng biktima na kung ano man ang problema sa pagitan ng kanilang asawa ay baka pwde sa barangay na lamang pag- usapan.
Hindi nagustuhan ng suspek ang tinuran ng biktima kaya agad na nagbunot ng patalim at agad inundayan ng saksak ang biktima.
Maakaraan ang insidente tumakas ang suspek habang ang biktima ay agad namang dinala sa nasabing ospital.
Patuloy na nagsasgawa ng imbestigasyon ang mga awtoridada at isang manhunt operation ang inilatag ng pulisya laban sa suspek.