HINDI na umabot sa pagamutan ang tatlong magkaka-angkas sa motorsiklo makaraang sumalpok sa isang trak sa Negros Occidental.
Nakilala ang mga biktima na sina Rexvie Balenario, 20; Dolphy Nuevo, 20; at Judy Rex Carreon, 21, pawang mga taga-Barangay Montilla, Moises Padilla na nagtamo ng malubhang sugat sa ulo.
Nabatid na nakikipag-karerahan ang motorsiklo na sinasakyan ng mga biktima sa isa pang motorsiklo kung kaya hindi na nakontrol ng nagmamaneho at sumalpok sa nakaparadang trak ng tubo sa gilid ng daan sa Barangay Ginpanaan, Moises Padilla.
Dahil sa lakas ng pagkakasalpok, sumiksik ang mga biktima sa ilalim na bahagi ng truck na naging dahilan ng kanilang agarang pagkamatay.
Napag-alaman na huminto muna sa gilid ng daan ang truck upang mag-refuel na minamaneho ni John Eden Tomeo, 40, ng Barangay Pandan, Pontevedra, Negros Occidental.