ISANG winged van ang naaksidente sa Elliptical Road na may kargang mga softdrinks kaninang umaga, Hunyo 1 sa Quezon City.
Ayon sa driver ng van, paliko na siya nang aksidenteng bumukas ang tagiliran ng van na naging sanhi upang mahulog at magkalat ang karamihan ng bote ng softdrinks na kanyang karga at sumambulat sa lansangan.
Sinasabing galing sa Sta. Rosa, Laguna at magde-deliver ng softdrinks sa Meycauayan, Bulacan ang van nang naaksidente.
Dahil dito, bahagyang nagsikip ang trapiko sa lugar .
Mabilis namang naalis ng mga tauhan ng Metro Manila Development Authority (MMDA) ang mga nakabalandrang mga bote sa daan.
The post Mga bote ng softdrinks sumambulat sa QC appeared first on Remate.