PATAY ang tatlong katao habang sugatan ang isa pa nang ratratin ng hindi nakikilalang armadong kalalakihan ang kanilang bahay sa San Miguel, Bulacan, kagabi, Abril 30.
Dead on the spot sanhi ng tama ng bala sa iba’t ibang parte ng katawan ang biktimang si Liza Canino at isang Edgar at Bong na pawang nakatira sa gitna ng bukirin sa Purok 4 Barangay Bantog, San Miguel.
Bagamat sugatan, nakaligtas sa tiyak na kapahamakan ang hindi nakikilalang lalaki nang magkunwaring patay na.
Wala pang ideya ang kapulisan kung sino ang apat na suspek na sumalakay sa bahay ng mga biktima na naganap alas-11 nitong Miyerkules ng gabi.
Ayon sa isang nakaligtas sa pag-atake na si Romeo Canino, mister ni Liza, bago ang insidente ay natutulog na sila nang paulanan ng putok ang kanilang bahay.
The post 3 utas sa masaker sa Bulacan appeared first on Remate.