PATAY ang dalawang lalaki habang isa ang sugatan sa naganap na pamamaril sa Novaliches, Quezon City kaninang alas-4:00 ng hapon.
Hindi na umabot nang buhay sa ospital ang biktimang si alyas “Anton” habang dead-on-the-spot naman ang suspek na si Marvin Evangelista at ginagamot pa ang natamaan ng ligaw na bala na tambay sa lugar na inaalam pa ang pagkakakilanlan.
Nabatid na naganap ang pamamaril malapit sa simbahan sa Novaliches na narinig ng ilang opisyal ng QCPD.
Sa pagresponde ng mga awotoridad, sinalubong sila ng putok ng suspek dahilan para gumanti sila na ikinamatay nito.
Inaalam na ang motibo ng napatay na suspek sa pagtumba sa biktima.
The post 2 patay sa pamamaril sa QC appeared first on Remate.