PUMALAG si Justice Secretary Leila de Lima sa banta ni Senador Jinggoy Estrada na haharangin ang pagtalakay ng Commission on Appointment sa kanyang nominasyon bilang kalihim ng Kagawaran ng Katarungan.
Tinawag na malinaw na pamba-blackmail ni de Lima ang banta ni Estrada.
Sa isang ambush interview, sinabi ni De Lima na mas importante sa kanya ang tiwala ng Pangulong Benigno Aquino III at ng taumbayan.
Pero, aminado ang kalihim na wala siyang magagawa kung gagawin ito ng senador na kabilang sa mga kinasuhan ng DoJ ng plunder sa Ombudsman kaugnay sa P10-b pork barrel scam.
Sinabi pa ni De Lima, mababalewala rin kahit na masagot pa niya ang iba’t ibang isyu sa kanyang pagharap sa CA kung mayroong maghahari-harian na haharang sa kanyang appointment.
The post ‘Pamba-blackmail’ ni Jinggoy inalmahan appeared first on Remate.