PATAY ang isang jeepney driver matapos barilin ng hindi nakilalang salarin habang namamasada ng kanyang jeep sa Brgy. Unang Sigaw, Quezon City kaninang umaga, Pebrero 27, 2014.
Ang biktima na hindi pa nakikilala na tinatayang 40 hanggang 45-anyos, nakasuot ng puting t-shirt at short pants at driver ng pampasaherong jeep (TXL-430) ay nasawi noon din.
Ayon sa ulat ng Quezon City Police District Public Information Office, naganap ang insidente sa harap ng Christ Compound, Service Road, Unang Sigaw, QC dakong alas-10:30 ng umaga.
Sinabi sa ulat na nagmamaneho ng kanyang jeep ang biktima nang barilin ng hindi nakilalang salarin sa ibabang kaliwang tenga na ikinasawi nito noon din.
Matapos ang pamamaril ay tumakas ang suspek.
Sinisiyasat na ng mga awtoridad ang naturang kaso.
The post Jeepney driver niratrat sa QC tigbak appeared first on Remate.