PATAY ang kustomer ng ka-live-in na GRO ng isang lalaki nang hindi nito maipakita ang kanilang ginamit na condom sa pagtatalik sa General Santos City.
Kinilala ang biktima na si Dennis Uctoso, 49, tubong Silay, Negros Occidental.
Nabatid na nag-check-in sa isang lodging house ang biktima kasama ang GRO na si Inday Taburada na ineskortan pa ng ka-live-in ng huli na si alyas Junjun.
Alas-10:00 ng gabi nang lumabas ang babae na kaagad hinanapan ng suspek ng ginamit na condom nila ng kustomer.
Nang walang naibigay ang babae ay nag-away ang dalawa.
Sa takot naman na madamay sa away ay tumalikod na ang biktima pero sinundan siya ng suspek saka sinaksak na agad nitong ikinamatay.
Kapwa pinaghahahanap na ang magka-live-in.
The post Hindi gumamit ng condom: Customer ng ka-live-in pinatay ng kelot appeared first on Remate.
