TODAS ang asawa at anak ng driver habang 20 ang sugatan makaraang maaksidente ang pampasaherong bus na kanilang sinasakyan sa Badian, Cebu City kaninang umaga, Disyembre 16.
Kinilala ang mga namatay na sina Marlyn Gerson, 41, at ang kanyang anak na si Geralyn na nakaupo sa harapan katabi ang driver na si Erwin, 42.
Ayon kay Police investigator PO2 Bismarck Babiera, nagpositibo sa alak si Erwin sa isinagawang pagsusuri ng Badian District Hospital.
Umalis ang sinasakyan nilang Ceres bus (CEH 722) may body number 8340 sa Bato, Santander, patungong Cebu City nang maganap ang aksidente sa national highway ng Sitio Bangko-bangko, Balhaan Badian.
Inamin naman ni Erwin sa pulisya na galing siya sa isang inuman kagabi bago naganap ang aksidente sa bus terminal sa Bato, Santander.
Habang nagmamaneho si Erwin sa pakurbang bahagi ng highway, aksidente nitong nasalpok ang bakal na poste na naging sanhi upang mahulog sa kanang bahagi ng kalsada.
The post UPDATE: 2 patay sa bus accident sa Cebu appeared first on Remate.