PATAY ang isang negosyante makaraang barilin ng security guard ng kanilang subdivision sa Novaliches,Quezon City kaninang umaga, Nobyembre 22, 2013.
Kinilala ang biktima na si Michael Rodolfo, 51, businessman, ng Blk. 12, Lot 5, Rainbow Homes 2, San Bartolome, Novaliches, QC.
Tumakas naman ang suspek na si Vic Ajeas, security guard ng subdivision ng Rainbow Homes 2, San Bartolome, Novaliches, QC.
Ayon kay SPO1 Margito Dayan ng Quezon City Police District station 4 Novaliches naganap ang insidente sa harap ng guard house sa Rainbow Homes 2 San Bartolome, Novaliches, QC alas-9:30 ng umaga.
Sinabi ni SPO1 Dayan na nagkaroon ng mainitang pagtatalo ang biktima at ang suspek hinggil sa tawag sa telepono ng tiyahin ng una na hindi ibinigay ng huli.
Habang nagkakaroon ng mainitang pagtatalo ang dalawa bumunot ng baril ang suspek saka pinaputukan ang biktima.
Isinugod pa sa Bernardino Hospital ang biktima subalit hindi na ito umabot nang buhay.
The post Negosyante todas sa pamamaril ng sekyu appeared first on Remate.