UMAABOT sa humigit kumulang sa P500,000 ang halaga ng mga alahas ang natangay ng hindi pa kilalang mga suspek sa bahay ng isang dentista sa Pagbilao, Quezon.
Kinilala ang biktima na si Lourdes Pasag, 40, residente ng Barangay Castillo sa naturang bayan.
Napag-alaman na walang tao sa bahay ng biktima nang pasukin ng hindi kilalang mga suspek sa pamamagitan ng pagsira sa bintana ng bahay na nagsilbing daanan papasok at palabas ng mga ito.
Pinasok ng mga ito ang tatlong kwarto sa loob ng bahay at puwersahang binuksan ang isang maliit na vault at tinangay ang iba’t ibang klase ng mga mamahaling alahas.
Samantala, nagpapatuloy pa ngayon ang imbestigasyon ng mga awtoridad sa pagkakatukoy sa mga suspek sa likod ng nangyaring pagnanakaw.
The post P.5-M halaga ng alahas, nakulimbat sa bahay isang dentist appeared first on Remate.