BALIK-SELDA ang isang dating bilanggo makaraang saktan ang kanyang misis dahil hindi nasarapan sa inihaing ulam ng huli sa Caloocan City, Martes ng tanghali, Agosto 13.
Nahaharap sa kasong violence against women and their children si Norberto Araneta, 44 ng PNR cmpd., nasabing lungsod.
Sa pahayag ng biktimang si Patricia, 43, alas-12 ng tanghali nang magising ang suspek at nagtatanong kung ano ang ulam.
Sinabi naman ng biktima na gulay ang kanilang ulam.
Nang nagsimulang kumain ang suspek ay hindi niya nagustuhan ang lasa dahil wala aniyang sahog kaya binato ng kutsara sa mukha ang asawa.
Hindi pa nakuntento ang suspek at pinagsusuntok sa tagiliran ang biktima na nang makahulagpos ay humingi ng tulong sa mga tanod at ipinadakip ang asawa.
Nabatid na noong 2010 nang makalaya ang suspek matapos masangkot sa droga.
The post Misis na di masarap magluto, nilamog ng mister appeared first on Remate.