TACURONG CITY, Sultan Kudarat – PATULOY ngayong araw ang search and retrieval operation ng Kabacan Rescue Team ng Disaster Risk Reduction Management Council sa isa pang Grade 5 pupil na nalunod sa Kabacan river sa North Cotabato.
Sinabi ni MDRRMC officer David Don Saure, pansamantalang inihinto ang search and rescue operation alas-6:30 kagabi dahil sa madilim na ang paligid.
Napag-alaman na pasado alas-3:00 kahapon ng hapon nang magsisigaw ang isa sa dalawang paslit na nakilalang si Monica Martinez, 10, na residente ng Mapanao Street mula sa pampang ng Kabacan river.
Masuwerte namang nakita si Martinez ng ilang estudyante ng USM at agad na tinungo ang kinaroroonan nito at isinugod sa USM Hospital.
Dito nalaman ang sinapit ng dalawang bata.
Ayon kay Saure, posibleng wala ng buhay ang bata kung makita ito sapagkat malalim ang Kabacan river at medyo malakas ang agos ng tubig.
The post Search operation sa nalunod na bata, patuloy appeared first on Remate.