PLANO ng Department of Transportation and Communications (DoTC) na ipatupad ngayong taon ang taas pasahe sa MRT at LRT.
Una ng sinabi ng Pangulong Benigno Aquino sa kanyang State of the Nation Address (SONA) na mahalagang maitaas ang pamasahe sa MRT at LRT para maiwasan ang lubusang pagkalugi nito.
Sinabi ni DoTC Sec. Jun Abaya, sang-ayon sa kanilang plano, sisimulan ngayong taon ang unang pagtataas at muling magkakaroon ng fare adjustment sa susunod na taon.
Ayon kay Abaya, kung masusunod ang kuwenta nina Budget Sec. Florencio ‘Butch’ Abad at mga kongresista, ilalapit ang pamasahe sa MRT sa singil ng mga aircon buses na bumibiyahe sa EDSA.
Pero nilinaw ni Abaya na depende pa rin ito sa gagawing public consultation.
The post MRT, LRT fare hike, ipatutupad ngayong taon – Abaya appeared first on Remate.