SUGATAN ang mag-utol matapos kursunadahin saksakin ng magkapatid na kalugar ng mga una sa Caloocan City Linggo ng madaling araw, Hunyo 23.
Ginamot sa Jose Reyes Memorial Medical Center sanhi ng saksak sa braso si Bonifacio Ilustrisimo, 25, habang sa leeg naman ang tama ng kapatid na si Nareous, 18, kapwa ng Nadurata st., ng lungsod.
Nadakip naman si Aldrin at Reynante Abalos kapwa nasa hustong gulang at kalugar ng mga biktima.
Sa ulat, dakong ala-1 ng madaling araw, lumabas ng bahay ang isa pang kapatid ng mga biktima na kinursunada at sinapak ng mga suspek.
Nagsumbong sa mga biktima ang kapatid na naging dahilan upang lumabas din subalit nang makita ng mga suspek at nagbasag ng mga hawak na bote at sinaksak ang mag-utol na naging dahilan upang dalhin sa JRMMC habang nadakip ang mga suspek sa isinagawang follow-up operation.
The post Mag-utol vs magkapatid, 2 sugatan appeared first on Remate.