MARAMI ang kumukuwestiyon sa pagdadala ni Ai Ai de las Alas ng mga military back-up at miyembro ng Presidential Security Group sa pagdinig ng kanyang petisyon sa korte kahapon sa Quezon City Regional Trial Court.
Sa report, kumalat sa mga social media na marami ang mga nagtaas ng kilay sa pagdadala ni Ai-Ai mga militar at miyembro ng PSG dahil parang itinuturing umanong isang kriminal ang kanyang ex-husband na si Jed Galang.
Parehong dumalo sa korte ang mag-asawa kaugnay sa inihaing permanent protection order ni Ai-Ai laban kay Galang.
Ayon sa mga sumusubaybay sa kontrobersyal na mag-asawa, hindi na kailangan ni Ai-Ai magdala ng mga militar at PSG sa korte dahil may mas mabigat pa na usaping pangbayan ang higit na dapat pagtuunan ng mga militar.
Matatandaan na nang isiwalat ni Ai-Ai ang nangyari sa kanya kaya nakipaghiwalay siya sa kanyang asawa, nagpahayag ng suporta o tulong ang Pangulong Benigno Aquino.
Ang pagbigay ng suporta kay Ai-Ai ay inihayag naman ng presidential sister na si Kris Aquino.
The post Pagdadala ni Ai-Ai ng military back-up sa korte, umani ng batikos appeared first on Remate.