DALAWA ang patay habang dalawa rin ang nasugatan makaraang sumalpok ang sinasakyan nilang kotse sa isang trailer truck sa Star Tollway, sa may bahagi ng Malvar, Batangas.
Kinilala ang mga namatay na sina Dennis Baril at Ringdon Mulintapang habang nilalapatan naman ng lunas sa Damian Mercado Hospital sina Resty Hontiveros at Dexter Pagcaliwagan, kasamahan ng mga nasawi.
Sa ulat, tinatahak ng trailer truck ang northbound lane nang masiraan. Dahil dito, kinabig ng driver na si Angelito ang truck sa center island.
Hindi naman napansin ng mga biktima na lulan ng kotse ang pumapagitnang truck kaya bumangga sila sa likurang bahagi nito.
Nakapiit na ang driver ng truck sa Malvar Police Station.