PATAY ang isang ginang matapos aksidenteng mabaril ang kanyang sarili habang bitbit ang kanyang sumpak sa Quezon City kahapon ng madaling araw Mayo 24, 2013 (Biyernes).
Binawian ng buhay sa FEU hospital habang ginagamot ang biktima na kinilalang si Mina Bercasio,32,may-asawa, house wife, ng 56 Lot 11, Samapa, Brgy. Greater Fairview, QC.
Ayon kay SPO1 Joel Gagasa ng Quezon City Police District Criminal Investigation and Detection Unit (QCPD-CIDU), naganap ang insidente dakong 4:29 ng madaling araw sa Samapa, Brgy. Greater Fairview,QC.
Sinabi sa ulat na kausap umano ng biktima ang kanyang mga kabarangay na sina Wilma Moreno at Jomar Sumamang nang tawagin ng kanyang asawa para umuwi na ng kanilang bahay.
Habang naglalakad pauwi sa kanilang bahay bitbit ng biktima ang dalang sumpak nang biglang pumutok ito at tinamaan ang biktima sa kanyang tiyan na ikinasawi nito.